Personopplysninger

Elevane i 1. - 4. klasse måtte kle seg godt då dei sist onsdag skulle starte på uteskuletimane. Det regna og bles og frå skuleplassen såg vi at bårene i Storfjorden var store. Vi la derfor turen til Amdamfjøra og var svært forsiktige då vi nærma oss nausta. Vi såg på bårene på begge sider av berget og fann fort ut at når vinden kjem frå vest, så er det rolegast på innsida av berget. Det hadde sikkert tjelden også funne ut. Han var på plass og sat på steinen ved voren og kika på oss. Etter at vi hadde sett på bårene, var det tid for litt frileik ved grindløa før vi måtte oppatt.